Për ish-ministrin e Drejtësisë Ylli Majani caktimi i Bajram Begajt, një mjek në krye të shtetit është më mirë sesa mbajtja e drjetimit të Shtabit të Përgjithshëm të Forcave të Armatosura.
Manjani në një statyus në facebook shprehet se një mjek nuk mund të ishte në krye të forcave të armatosura, kjo për faktin se një mjek nuk e ka prekur asnjë ditë terrenin e luftës dhe ka bërë stërvitje me fishekë manovre.
“Ushtria jonë mund të kërkonte për ndonjë gjeneral vetëm nga radhët e ushtarakëve që kanë shërbyer në një front lufte, jo në logjistikën ushtarake.
E kam bindje këtë gjë, që vetëm më forcohet.
Nga ana tjetër nuk mund të mos ritheksoj modelin e ushtarakut që parapëlqehet nga udhëheqësit tanë. Ka disa specifika, por më dukshmja është mënyra si nderojnë.
Në mënyrë reflektive kur nderojnë, në vënd të ngrejnë dorën tek koka ulin kokën tek dora, në shenjë përulësie… “, shkruan Manjani.
Postimi
Këtë mjekun gastrohepatolog, më mirë që po e bëjnë President,se shef i Shtabit të Ushtrisë kërciste shumë. Shefi i shtabit të Ushtrisë është ushtarak karriere jo mjek në spitalin ushtarak.
E njejta llogjikë vlen edhe për gradat. Nuk ka shanc në asnjë ushtri normale që të ketë Gjeneralë pa qenë asnjë ditë në një front lufte me plumba reale, jo me fishekë manovre në zbor… Gjeneralë që vjedhin ndonjë tollona naftë e shesin skrap me tendera sekretë, nuk la askund në normal-land. Ushtria jonë mund të kërkonte për ndonjë gjeneral vetëm nga radhët e ushtarakëve që kanë shërbyer në një front lufte, jo në logjistikën ushtarake.
E kam bindje këtë gjë, që vetëm më forcohet.
