Një 30-vjeçar shqiptar, i cili mbante gërshërë dhe qëndronte pranë një makine ku ndodhej një person është ndjekur nga policët, të cilët më pas i ka sulmuar para se të arrestohej.
Ngjarja ka ndodhur në Porto Sant’Elpidio, Itali.
Ndërsa përpiqej të arratisej, 30-vjeçari hodhi gërshërët në oborrin e një shtëpie dhe vazhdoi rrugën drejt shëtitores Europa, ku u ndalua.
Shqiptari sulmoi me shqelma dhe grushte karabinierët, goditi me kokë njërin prej policëve, ndërsa një tjetër e kafshoi në krahun e djathtë duke e lënë të plagosur.
Sipas mediave italiane, 30-vjeçari u arrestua për veprën penale të rezistencës dhe plagosjes së një funksionari publik.
Ndërhyrja e karabinierëve nisi pas denoncimit në sallën e operacionit për një person të armatosur me gërshërë.
Për shqiptarin është vendosur masa e sigurisë “arrest shtëpie”.
