Këshilli Kombëtar i PD, i cili do të mblidhet në orën 17:00 do të votojë mbi emrat e kandidatëve që u miratuan nga Kryesia e kësaj partie, për postet e nënkryetarëve, Sekretarit të Përgjithshëm, dhe gjithë strukturës drejtuese ku përfshihen disa sekretarë, por edhe Gjykatën e partisë.
Për dy vendet e nënkryetarëve në garë janë 4 emra: Oerd Bylykbashi, Luçiano Boçi, Agron Shehaj dhe Belind Këlliçi. Anëtarët e Këshillit Kombëtar, do i duhet të zgjedhin një nga kandidatët në fletën e votimit, ndërsa i gjithë procesi do të realizohet i monituar nga kamerat, përfshi edhe numërimin elektronik të votave. Dy nga emrat që do të marrin më shumë vota do të marrin edhe postet e nënkryetarëve të PD-së. Në këtë mënyrë është shmangur një përballje dy me dy, pra kokë më kokë mes kandidatëve.
Ndërkohë për postet e tjera, ato të Sekretarëve përballja është kokë më kokë pasi ka dy emra për një pozicion. Në postin e Sekretarit të Përgjithshëm janë Flamur Noka dhe Arben Ristani. Noka ka mbajtur funksionet e Sekretarit Organizativ në PD, ndërsa Ristani ka qenë Sekretar i Përgjithshëm, ndërsa u zëvendësua më pas nga Gazment Bardhi
Për pozicionin e Sekretarit Organizativ garon Ervin Minarolli, i cili ka mbajtur këtë funksion edhe më parë dhe Aurel Bylykbashi, ish-deputet i PD dhe një prej drejtuesve të degës së kësaj partie në Elbasan.
Gara për Sekretarin për Pushtetin Vendor do të jetë mes dy gjirokastritëve, Ylli Asllanit dhe Dasho Alikos. Të dy emrat kanë një eksperiencë të gjatë në PD dhe strukturat e saj.
Ndërsa në garën për Sekretarin për Çështjet Zgjedhore do të jenë përballë dy juristët Ivi Kaso dhe Çlirim Gjata. Të dy konsiderohen si njohës mjaft të mirë të çështjeve që lidhen me zgjedhjet dhe të dy iu bashkuan lëvizjes së nisur nga ish-Kryeministri Sali Berisha që në momentet e para.
Kandidatët
Sekretar për organizata partnere
Ilirjana kucana
Megi Balliu
Sekretar për transparencën kundër korrupsionit
Ledina Mandia
Andia Pustnia
Sekretar për të drejtat e njeriut
Elda Hoti
Bislim Ahmetaj
Sekretar për organizimin
Ervin Minarolli
Aurel Bylykbashi
Sekretar për integrimin
Edmond Spaho
Lediana Fratari
Sekretar për marrëdhëniet me publikun
Jola Hysaj
Sara Bodo
Sekretar për ish-të përndjekurit
Indrit Hoxha
Bedri Blloshmi
Sekretar për diasporën dhe organizatat e partisë jashtë vendit
Tritan Shehu
Lorenc Luka
Sekretar për pushtetin vendor
Ylli Asllani
Dasho Aliko
Sekretar për çështjet elektorale
Ivi Kaso
Çlirim Gjata
Gjykatëse e partisë
Endira Bushati
Adriana Kalaja
