Myslym Murrizi ka marrë fjalën gjatë mbledhjes së Këshillit Kombëtar të PD, ku po votohet për zgjedhjen e Sekretarit të Përgjithshëm, Nënkryetarëve dhe Sekretariatin e kësaj partie, ndërsa ka kërkuar hapjen e partisë.
Murrizi ka shprehur pakënaqësitë e tij sa i takon anëtarëve të Kryesisë së partisë, duke i konsideruar si të njëjtët me ata kur në krye ishte Basha.
Murrizi tha se nuk duhet të kishte ekzaltim sa i takon 6 marsit dhe se duhej t’u jepej fjala edhe personave të tjerë pa pasur favorizime me anë të mesazheve në whats app.
“Mos të jemi në delir, 6 marsi nuk na solli në pushtet. Njerëz që takoj më thonë a vetëm me Lulin dhe Gazin e paske pasur betejën? Se kryesia është e njëjtë. Këta nuk janë përfaqësues, nxirri në protestë dhe ta shohim sesa njerëz mbledhin nga mbrapa.
Unë që po flas jam shumë i çliruar, nuk jam pishman për çfarë ka ndodhur, jam njeri i terrenit. Këtu ka njerëz, që kandidojnë për anëtarë kryesie po janë tek individ, nuk kanë votues as familjarët e vetë.
Prandaj hapeni partinë për personalitetet e mëdha. Ç’është kjo grykësi kështu, çojnë mesazhe në whatsapp: a të keqen të ma kesh kujdes filanin. Po pse? Po e shtyp makina?
Nuk kemi pse vijmë vërdallë në këtë mënyrë. U uroj suksese asaj kryesie, por nëse e dinë veten aq të mëdhenj, nga nesër të dalin në terren. Nëse kemi betejë me gazin dhe Gjekmarkajn, harxhojmë naftë kot se ata i ka mundur terslliku vetë”, tha Murrizi.
