Katër persona janë plagosur si pasojë e një aksidenti të ndodhur në aksin Fier-Ballsh, rreth orës 16:00 të ditës së sotme.
Në aksident janë përfshirë dy automjete tip Benz, ndërsa personat e plagosur ndodhen jashtë rrezikut për jetën.
“Sot rreth orës 16:00, në aksin rrugor Fier-Ballsh, në vendin e quajtur “Ofiçina e vjetër”, shtetasi A. S., 44 vjeç, duke drejtuar automjetin tip “Benz”, është përplasur me automjetin tip “Benz” me drejtues shtetasin R. B., 59 vjeç.
Për pasojë janë dëmtuar lehtë tre pasagjerët që udhëtonin me shtetasin A. S., si edhe vet drejtuesi i mjetit, shtetasi A. S., të cilët ndodhen në spital nën kujdesin e mjekëve, jashtë rrezikut për jetën.
Grupi hetimor po punon për zbardhjen e shkakut të aksidentit”, thuhet në një njoftim të policisë.
