Trupi i pajetë i ish-presidentit Bujar Nishani ka mbërritur në Presidencë mëngjesin e sotëm. Arkëmorti i tij do të vendoset në sallën “Skënderbeu” në Presidencë, ku familjarët do të presin vizita dhe homazhe nga të afërm, miq dhe dashamirës.
Homazhet do të zhvillohen përgjatë dy ditëve, 1 dhe 2 qershor në ambientet e Presidencës. Protokolli i shtetit do t’i zhvillojë ato në Presidencë nga ora 10:00 – 12:00, të Enjten. Trupi i ish-presidenti do të përcillet në banesën e fundit i shoqëruar nga një kortezh mortor deri te Ura e Lanë e më pas në varrezat e Sharrës në Tiranë.
Ish-Presidenti Bujar Nishani ndërroi jetë të Shtunën në një spital në Gjermani.
