Partia Socialiste do të diskutojë kandidatët për president në mbledhjen e Kryesisë, ku pritet të miratohet edhe emri që më pas do ti paraqitet Grupit Parlamentar dhe më pas Kuvendit.
Sipas informacioneve nga PS, flitet se janë 10 emra, 5 prej të cilëve janë me formim akademik, disa aktivistë të shoqërisë civile dhe 5 të tjerë me profil politik, por jo pjesë e Grupit Parlamentar socialist.
Në mbledhjen e sotme të Konferencës së Kryetarëve, u vendos që raundi i 4-të për kreun e shtetit, të zhvillohet të shtunën, më 4 qershor.
Me ezaurimin e 3 raundeve të para që kërkojnë konsensus politikë, PS-ja nuk ka asnjë pengesë për ta bërë këtë, duke i pasur mbi 71 kartona në Parlament.
Me shumë gjasë Kryesia dhe më pas Grupi Parlamentar socialist do të mblidhen formalisht pasi Kryeministri Edi Rama ka caktuar kandidatin për President.
