Të tjera detaje janë zbardhur lidhur me ngjarjen e rëndë të ndodhur në Shkodër, ku sot u gjet e vdekur 37-vjeçarja Leze Qosaj. Viktima u gjet në një kanal në afërsi të Bypassit.
Fillimisht u raportua se në trupin e viktimës kishte shenja dhune, por nga hetimet paraprake rezulton se ato mund të jenë shkaktuar nga dekompozimi.
Grupi hetimor po heton në dy pista: atë të vrasjes dhe vetëvrasjes, ndërsa do të jetë autopsia që do të zbulojë shkakun e vdekjes.
Dyshohet se viktima mund të jetë vetëhelmuar.
Sipas policisë, ajo ishte larguar nga shtëpia 23 ditë më parë, në datën 8 maj, ndërsa motra kishte bërë kallëzim për zhdukjen më 18 maj.
Trupi është gjetur rreth orës 17:05 në lagjen “Ahmet Haxhija”, Shkodër 37-vjeçarja kishte lindur në Tropojë dhe banonte në Dobraç, Shkodër në banesën e motrës së saj.
