Një aksident me pasojë vdekjen ka ndodhur në afërsi të Pikës Kufitare të Kakavijës.
Mësohet se pranë urës te kryqëzimi në drejtim të fshatit Vrisera një autoveture tip Mercedez-Benz ka përplasur një zetor.
I vdekur ka mbetur shoferi i zetorit 35 vjeç banor i fshatit Kakavijë.
Gjirokastër/Informacion paraprak
Rreth orës 21:10, në aksin rrugor Gjirokastër-Kakavije, në afërsi të fshatit Kakavije, automjeti tip “Benz “, me drejtues shtetasin I. M., 41 vjeç, banues në Gjirokastër, është përplasur me automjetin tip zetor, me drejtues shtetasin Ll. Ç., 32 vjeç, banues në fshatin Kakavije, Gjirokastër.
Për pasojë ka humbur jetën drejtuesi i zetorit, shtetasi Ll. Ç., si dhe është dëmtuar drejtuesi i automjetit “Benz”, shtetasi I. M., i cili u transportuan në spitalin Rajonal Gjirokastër për të marrë ndihmën mjekësore.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
