Është zbuluar identiteti i trupit të pajetë që u gjet pasditen e sotme në Shkodër.
Policia bën me dije se bëhet fjalë për shtetasen Leze Qosaj 37 vjeçe, e cila është gjetur pa shenja jete në lagjen “Ahmet Haxhija”.
Mësohet se trupi i saj është pjesërisht i dekompozuar, ndërsa pritet ekspertiza mjeko-ligjore për të përcaktuar shkakun e vdekjes.
Ndërkohë blutë bëjnë me dije se motra e viktimës kishte denoncuar 23 ditë më parë largimin nga banesa të 37 vjeçares.
Shkodër/Informacion paraprak
Rreth orës 17:05, në lagjen “Ahmet Haxhija”, Shkodër, në ByPass, në afërsi të një kanali, është gjetur pa shenja jete një shtetasja Laze Qose (K) 37 vjeçe, lindur në Tropojë e banuese në Dobraç, Shkodër.
Trupi është pjesërisht i dekompozuar dhe pritet ekspertiza mjeko-ligjore për të përcaktuar shkakun e vdekjes.
Në vendngjarje ndodhet Grupi hetimor nën drejtimin e Prokurorisë së Rrethit Gjyqësor Shkodër, ku vijon puna për zbardhjen e plotë të rrethanave të ngjarjes.
Sqarojmë se më datë 18 .05.2022, motra e kësaj shtetasesje ka bërë kallzim në Komisariatin e Policisë Shkodër, se më datë 08.05.2022, shtetasja L.Q (K), ishte largar nga banesa, pasi kjo shtetase jetonte në Dobrac, në banesën e motrës së saj.
