Anëtari i Këshillit Kombëtar, Bledi Kasmi i ftuar në emisionin “Log” në Abc, ironizoi Gazment Bardhin, i cili në një postim në Twitter duke ju përgjigjur akuzave të ish-kryeministrit Berisha përmendte edhe djalin e tij, Shkëlzen Berisha.
Kasmi tha se Bardhi atë reagim e ka marrë të gatshëm nga Rama, pasi sipas tij, nuk di të shkruajë.
“Ai nuk ishte postim i Gaz Bardhit se ai nuk di të shkruajë, ja kishte nisur Rama. Berisha thotë për emërimet që kanë qenë atribut i PD dhe tani nuk kemi emërime por kemi zgjedhje. Ky është ndryshimi. Shkëlzen Berisha ka qenë aktiv në forumin rinor, por ai është shkëputur s’ka lidhje me politikën dhe dikush i përmend emrin”, tha Kasmi.
