Nga Boldnews.al
Ergys Verdho vijon çmendurinë e tij! Dikur në Autoritetin Rrugor Shqiptar, sot në Korporatën Elektroenergjitike Shqiptare, dy institucione që tenderojnë miliona euro në muaj, por që të dyja nën “kontrollin” e rreptë të ministres Belinda Balluku.
Para pak muajsh, Boldnews.al publikoi një investigim sesi i “besuari” i Ballukut, Ergys Verdho, po sfidonte hapur Edi Ramën, duke ngritur “satelitin” e tij 1 milionë euro, me qëllim që të ketë informacione për parashikimin e motit. Madje, sistemi parashikon që Verdho të ketë informacion të saktë për sasinë e shiut, si dhe të përllogarisë edhe prurjet në kaskadat e Drinit. Megjithatë, fakt është se gjatë drejtimit të Verdhos, KESH-i është në pikën më kritike, ku shet energji në kohë me diell dhe blen energji në kohë me shi! Por, lëvizja e bursës ka pasuruar individë të veçantë, ndërsa ka një kosto të madhe në buxhet, që përkthehet më pak shërbime ndaj qytetarëve.
Sipas dokumenteve që disponon Boldnews.al, KESH ka hapur procedurën e prokurimit me objekt “furnizim, vendosje i komponentëve plotësues për sistemin satelitor të parashikimit meteorologjik faza II”.
Fondi limit i këtij tenderi është 150.000.000 lekë, ndërsa do blihen pajisje të ndryshme. Ky tender vjen disa kohë pas finalizimit të një tjetër procedure të Verdhos, me objekt “sistemi i parashikimit satelitor të motit për operimin dhe menaxhimin e kaskadës në kuadër të sigurisë së digave, Faza I-rë”.
Në atë kohë, Boldnews.al, kohëzgjatja e kontratës ishte 12 muaj furnizimi e implementimi i sistemit dhe 48 muaj periudha e mirëmbajtjes proaktive të sistemit.
Në dokumentet shoqëruese, Ergys Verdho, shkruan se “për të garantuar një monitorim të saktë dhe profesional në HEC Fierze, HEC Koman dhe HEC Vau i Dejës është i nevojshëm investimi me teknologjitë dhe marrja e informacioneve në kohë reale”.
Më vijim thuhet se ky sistem do të shërbejë për menaxhimin e prurjeve të mëdha në pellgun ujëmbledhës të lumit Drin përmes analizës dhe investigimit të hollësishëm të situatës së prurjeve në këtë pellg gjatë sezonit të dimrit.
Verdho thotë se për të kryer një monitorim të plote dhe parashikim sa më real të kushteve meteorologjike si dhe për të kryer një menaxhim efikas të prurjeve dhe niveleve të liqeneve të HEC Fierze , HEC Vau i Dejes dhe HEC Koman, në përputhje me kërkesat e ligjit dhe programin ekonomik 2021, KESH sh.a kërkon të realizojë ngritjen e Sistemit të Parashikimit Satelitor të Motit. Dhe, me këtë sistem, Verdho “sfidoi” Ramën, duke dërguar i pari satelitë në orbitë.
