Nottingham Forest rikthehet në Premier League pas 23 vjetësh falë një fitoreje 1-0 kundër Huddersfield në “Wembley.”
Dueli i luajtur në “Wembley” u ndoq nga 80.019 spektatorë dhe u vendos nga një autogol i Levi Colwill. 19-vjeçari devijoi gabimisht një top në portën e tij dy minuta përpara fundit të pjesës së parë.
Përfundon një sezon i jashtëzakonshëm për Nottingham Forest, skuadër e cila ishte në fund të tabelës pas tetë ndeshjeve kur Steve Cooper mori përsipër drejtimin e skuadrës në fund të shtatorit.
Zhgënjim te Huddersfield të cilët synonin rikthimin në Premier League pas tre vjetësh larg, por edhe gjatë sezonit të ardhshëm do të luajnë në Championship.
Djemtë e uellsianit Steven Cooper bëhen ekipi i tretë që ngjitet nga Championship në Premier League pas Fulhamit dhe Bournemouth.
