Presidenti turk Rexhep Tajip Erdogan ka bërë me dije sot se do të zhvillojë bisedime me homologët e tij rusë e ukrainas.
Ai tha se do të bëjë telefonatë në drejtim të Putinit dhe të Zelenskyt.
“Sigurisht, Rusia nuk do t’i shikojë pozitivisht këto gjëra (aderimi i Suedisë dhe Finlandës në NATO). Rusia është para së gjithash, e shqetësuar për çështjen finlandeze. Pse? Sepse ky është një vend kufitar dhe prandaj nuk e mbështet anëtarësimin e Finlandës në NATO. Në fakt, Rusia nuk e mbështeti pranimin e asnjë prej vendeve skandinave në NATO”, citohet të ketë thënë Erdogan në kanalin televiziv NTV në një intervistë me gazetarët turq pas kthimit të tij nga një udhëtim në Azerbajxhan.
Ne ëndërrojmë që kjo luftë midis Rusisë dhe Ukrainës të përfundojë në paqe sa më shpejt të jetë e mundur, por duket se ngjarjet po zhvillohen negativisht çdo ditë që kalon. Të hënën do të kem biseda telefonike si me presidentin e Rusisë dhe Presidentin e Ukrainës Ne do të vazhdojmë t’u bëjmë thirrje palëve që të përdorin kanalet e dialogut dhe diplomacisë”, tha lideri turk.
