Ka nisur numërimi mbrapsht për finalen e Champions League që do të zhvillohet mbrëmjen e sotme në Stade de France të Parisit mes Liverpool-it dhe Real Madrid.
Do të jetë një përsëritje e finales së luajtur katër vite më parë në Kiev, të fituar nga Los Blancos me rezultatin 3-1. Në lidhje me finalen e sotme ka folur edhe ylli i Bayern-it, Thomas Muller.
“Ka përshtypjen se LIverpool-i është më mirë, por nuk përjashtoj asgjë kundër këtij Real-i”, ka thënë sulmuesi i bavarezëve për TZ.
Gjermani ka bërë edhe një parashikim për rezultatin e ndeshjes së sotme: “Parashikoj një barazim 2-2 dhe Liverpool-i do ta fitojë më pas me penallti”, ka thënë Muller.
