Ka nisur rreth orës 13.30 numërimi për kryesinë e re të Partisë Demokratike.
Numërimi i votave është elektronik dhe transmetohet live për mediat.
Gjithsej janë 280 anëtarë të Këshillit Kombëtar dhe kanë votuar 227 anëtarë. Një fletë është dëmtuar gjatë procesit.
Në total janë 46 kandidatë nga ku do të zgjidhen 20 anëtarët e kryesisë së re të PD-së.
Në garë jenë të gjithë emrat e Komisionit të Rithemelimit bashkë me emra të tjerë.
Mes kandidateve gra, bie në sy emri i deputetes Ina Zhupa, e cila i është bashkuar Rithemelimit së fundi.
Kandidatet e tjera janë ish-zv.kryetarja, Jozefina Topalli, Endira Bushati, Albina Dede, Lediana Fratari, Fatbardha Kadia, Liljana Elmazi dhe Eleni Qiriçi.
Ndërkohë, kandidatët burra janë Arben Imami, Florion Mima, Bledi Kasmi, Indrit Hoxha, Erald Kapri etj.
