Këngëtarja Aurela Gaçe ka reaguar pas lajmeve se ka hequr dorë nga muzika. Përmes një postimi në llogarinë e saj në Instagram, ajo shprehet se ka pasur thjesht një problem shëndetësor të përkohshëm. Sa i përket gjendjes së saj, ajo tha se pas vizitave ka filluar të përmirësohet.
Aurela Gaçe ironizoi të gjithë ata që shkruan se ajo ka hequr dorë përfundimisht nga muzika.
Kujtojmë se këngëtarja Aurela Gaçe tregoi së fundmi se ka mundur që të kapë në kohë problemin me kordat vokale dhe derisa të përmirësohet nuk do të jetë aktive me koncerte apo projekte muzikore. Por në asnjë moment nuk lajmëroi tërheqjen e saj përfundimtare nga tregu muzikor.
“Sot në mëngjes jam zgjuar me disa lajme të tmershme, jo heq dorë nga muzika, jo lajm i keq për muzikën jo desh vdiqa, jo po vdes. Edhe 20 vjet të tjera këtu më keni. Ishte thjesht një ngjirje, ju e kuptoni që edhe sportistët vriten ndonjëherë dhe marrin dy ndeshje pushim, apo jo? Faleminderit për ata që janë futur në merak për shëndetin tim, jam shumë mirë, sot bëra një tjetër vizitë me doktoreshën dhe më tha që jemi në rrugë të mbarë, shërimi ka filluar. Shumë shpejt jam në skenë. Ju lutem shumë, nesër do të nxjerr këngën e re, po nxjerr dy albume unë, se mos bëni gafë e nuk e nxirni.”- shprehet Gaçe një videon e postuar në Instagram, ndërsa krahas postimit ajo shkruan:
“Faleminderit 👊. Jo nesër, por pasnesër del kënga e re, nga albumi i ri . E di që lajmet mbi shëndetin thithin klikime, por mos më më vdisni para kohe🤣, amani e 😋🤗
Ju duaaaaaaaa shumë të gjitheve që më keni dërguar mesazhe dashurie,pafund. Nuk e dija që isha kaq e mirë për ju❤❤❤❤❤❤❤.
Shihemi së shpejti”
View this post on Instagram
