Imazhet e ish-sulmuesit të Anglisë në shtrat me një bionde rreth dy javë para dasmës së tij, janë bërë virale kudo në rrjet. Andy Caroll shihet në shtrat me një vajzë, e cila është identifikuar si Taylor Jane Wilkey.
33-vjeçari mësohet se udhëtoi drejt Dubait për të marrë pjesë në festën e beqarisë së të fejuarës së tij, Billi Mucklow, javën e kaluar. Më pas, ylli i televizioneve u rikthye në shtëpi me miqtë e saj, ndërsa ish-futbollisti vazhdoi festën në Dubai.
Mësohet se dy ditë pasi Billi Mucklow u largua, ai festoi me Taylor Jane Wilke, menaxhere e një klubi. Caroll më pas ftoi Taylor dhe dy miq të tij të shkonin në suitën e hotelit pas festës në klube.
Fotot e menaxheres së klubit e shtrirë pranë tij në shtrat e zhveshur dhe në një prej tyre me rroba banjo të tij të personalizuara, u shpërndanë në aplikacionin e mesazheve Snapchat. Taylor ia dërgoi miqve të saj në Britani dhe ata i bënë virale.
Të afërm të ish-futbollistit dhe partneres së tij, u shprehën: “Kjo është e turpshme, dasma është kaq afër.”
27-vjeçarja Taylor tha për The Sun: “Thjesht po argëtoheshim. Fotot ishin një shaka. Pas festës u kthyem në hotelin e tij, isha unë, Andy dhe shoqja ime. Nuk kam fjetur me të, nuk ndodhi, ishim të tre në dhomë. Kishim pirë shumë, ishim të dehur. Kur u kthyem në suitën e hotelit të Andy, kërcyem pak, ai u shtri në shtrat dhe fjeti gjumë. Unë isha aty me shoqen time dhe bëra foto për shaka. Ua dërgova miqve të mi. Por s’ndodhi asgjë seksuale mes nesh, ishte shaka.”
