Policia e Pukës ka dhënë informacionin zyrtar për plagosjen e një 11-vjeçari ditën e sotme. I mituri u transportua me helikopter drejt spitalit të Traumës në Tiranë për mjekim të specializuar.
Ngjarja ka ndodhur në fshatin “Dom Gjegjan”. Policia bën të ditur se ka identifikuar autorin e dyshuar, R. C. 17 vjeç dhe po punon për kapjen e tij.
Njoftimi i policisë:
Pukë/Informacion paraprak
Rreth orës 16:20, në fshatin “Dom Gjegjan”, Pukë, në rrethana ende të paqarta është plagosur me armë zjarri, një i mitur 11 vjeç, i cili po dërgohet në Spitalin e Traumës Tiranë.
Falë veprimeve të shpejta hetimore është bërë identifikimi i autorit të dyshuar të ngjarjes, shtetasi R. C. 17 vjeç dhe po punohet për kapjen e tij.
Grupi hetimor nën drejtimin e Prokurorisë po punon për sqarimin e rrethanave të kësaj ngjarje.
