Qeveria shqiptare ka miratuar në mbledhjen e sotme, në parim, trotokollet e Traktatit të Atlantikut të Veriut për aderimin e Finlandës dhe Suedisë.
Vendimet kanë hyrë në fuqi menjëherë dhe vijnë në një kohë kur dy vendet kanë shprehur gadishmërinë për anëtarësim në NATO, pas sulmit të Rusisë ndaj Ukrainës.
Vendimet
MIRATIMIN, NË PARIM, TË PROTOKOLLIT TË TRAKTATIT TË ATLANTIKUT TË VERIUT PËR ADERIMIN E REPUBLIKËS SË FINLANDËS
Në mbështetje të nenit 100 të Kushtetutës dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit për Evropën dhe Punët e Jashtme, Këshilli i Ministrave
V E N D O S I:
Miratimin, në parim, të protokollit të Traktatit të Atlantikut të Veriut për aderimin e Republikës së Finlandës, sipas tekstit që i bashkëlidhet këtij vendimi.
Ky vendim hyn në fuqi menjëherë.
K R Y E M I N I S T R I
EDI RAMA
***
V E N D I M
PËR
MIRATIMIN, NË PARIM, TË PROTOKOLLIT TË TRAKTATIT TË ATLANTIKUT TË VERIUT PËR ADERIMIN E MBRETËRISË SË SUEDISË
Në mbështetje të nenit 100 të Kushtetutës dhe të nenit 10, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e ministrit për Evropën dhe Punët e Jashtme, Këshilli i Ministrave
V E N D O S I:
Miratimin, në parim, të protokollit të Traktatit të Atlantikut të Veriut për aderimin e Mbretërisë së Suedisë, sipas tekstit që i bashkëlidhet këtij vendimi.
Ky vendim hyn në fuqi menjëherë.
