Ishte e lehtë të parashikohej dhe ndodhi.
Një natë përpara finales së Ligës së Konferencës ndërmjet Romës dhe Feyenoord-it, Tirana u kthye në një fushë beteje me sulme, plagosje, arrestime dhe riatdhesime të detyruara.
Rreth pesëdhjetë ultras romanistë u ndaluan nga policia. Dy autobusë me rreth 70 tifozë janë hipur direkt në tragetin për në Itali me masë administrative me rrethanë rënduese se kanë shkaktuar trazira, ndoshta nuk do të lejohen të shkojnë në stadiumet e Evropës.
Rreth 15 holandezë të arrestuar, dy shtetas shqiptarë, dy italianë dhe të paktën një duzinë policë të plagosur (njëri në gjendje të rëndë), qytetarë të tmerruar nga sulmet e dy ultrafronteve ndaj policisë që po përpiqeshin t’i ndalonin, shkruan Corriere Della Sera në një artikull kushtuar asaj që ka ndodhur në Tiranë në orët e fundit.
Situata e mëngjesit të sotëm në Tiranë është e qetë, shqetësimet sot janë përqendruar për zonën përreth aeroportit kur do të mbërrijnë tifozë të tjerë nga Italia dhe më pas për mbrëmjen e sotme, veçanërisht për drejtimin e pas-ndeshjes.
Çfarë ndodhi dje
Ka qenë Policia e Tiranës, e cila ka raportuar për betejën e shkaktuar edhe nga alkooli dhe shumë ultras që kanë ardhur në Shqipëri pa biletë dhe që për rrjedhojë do të jetë edhe më e rrezikshme sot, ditën e ndeshjes. Situata ndoshta nuk do të jenë të kontrollueshme brenda stadiumit. Të parët që lëvizën, në skuadrilje të veshura me të zeza dhe shpesh të armatosur me shkopinj, ishin holandezët. Së fundmi ata ishin lëshuar në Marsejë, me rastin e gjysmëfinales. Vite më parë ata dëmtuan shatërvanin Barcaccia në qendër të Romës para një ndeshjeje të Europa League.
Shpërthimi i parë ndodhi pranë zonës së tifozëve kushtuar atyre, me një shtetas shqiptar 45-vjeçar të plagosur në kokë gjatë një trazire, i goditur nga holandezët, por ndoshta edhe në mënyrë të pavullnetshme, nga një shoqërues që kishte tentuar të mbrohej, duke hedhur një karrige.
Në rrugët e jetës së natës dhe restoranteve një tjetër shqiptar është qëlluar në kokë, duke humbur shumë gjak. Më e keqja nuk kishte ndodhur ende.
Një grup ultras nga Feyenoord janë nisur drejt stadiumit në kërkim të përplasjes me tifozët e Romës. Policët i shoqëruan në rrugën “Mustafa Matohiti”, por u sulmuan me shishe qelqi, gurë dhe shkopinj. Ndërkohë, grupe ultras romanistë kanë lëvizur drejt urës pranë Drejtorisë së Policisë së Tiranës, gjithashtu të armatosur. Të paktën 10 oficerë u plagosën dhe një automjet u dëmtua rëndë. Më pas mbërritën përforcimet dhe agjentët sollën në komisariat të paktën 60 persona, 48 shtetas italianë dhe 12 holandezë.
Autoritetet e Tiranës kishin organizuar tre zona tifozësh – një për Feyenoord, një për Romën dhe një për spordashësit – dhe kishin mbushur rrugët me agjentë. Rrugët e jetës së natës së Tiranës, pranë stadiumit, megjithatë, rezultuan të ishin terreni i përsosur për ata që mbërritën jo për të shijuar një ndeshje futbolli, por për të përhapur terror dhe dhunë.
Kontrolli i rendit publik për finalen do të jetë një sfidë. Vendimi i UEFA-s që ndeshja të luhet në një stadium me vetëm 20,000 vende është kritikuar nga shumë njerëz, por është e lehtë të mendohet se edhe një stadium 100,000 vendesh nuk do t’i ndalonte ata që padyshim erdhën këtu për qëllime shumë të ndryshme sesa për t’u argëtuar duke parë, një ndeshje futbolli.
