Një shqiptar, 29 vjeç ka ndërruar jetë pas një aksidenti rrugor të ndodhur në Santorini të Greqisë.
Aksidenti fatal për jetën e të riut ka ndodhur në orët e para të mëngjesit të sotëm.
Motori me të cilin udhëtonte shqiptari është përplasur me një makinë e për pasojë 29-vjeçari ndërroi jetë në vend.
Motoçiklisti shqiptar u përplas “kokë më kokë” me automjetin. Makina drejtohej nga një 30-vjeçar.
Pavarësisht ndihmës së shpejtë të dhënë për të riun nga Shqipëria, ai kishte humbur shumë gjak e nuk arriti të mbijetonte.
Policia në Thira po kryen të gjitha hetimet për ngjarjen e rëndë.
