Incidente të shumta janë regjistruar në orët e mbrëmjes së sotme në Tiranë. Tifozët e Feynoord-it janë përplasur me forcat e policisë, ndërsa të paktën dy efektivë raportohen të kenë marrë lëndime.
Sipas raportimeve, policia ka nisur shoqërimet e tifozëve të dhunshëm, ndërsa forca të shumta policie janë në terren, përfshi edhe grupe të FNSH.
Incidente ka pasur gjithashtu edhe te rruga “Mustafa Matohiti”, para drejtorisë së policisë dhe në zonën e “9-katsheve”, ku një qytetar shqiptar u dhunua nga tifozët holandezë. Gjithashtu përplasje janë regjistruar edhe në zonën e 21 Dhjetorit.
Tifozët e Feynoord-it njihen për aktet e tyre huligane. Incidentet vijnë një ditë para ndeshjes mes Romës dhe Feyenoord që do të luhet ditën e nesërme në “Air Albania”, në orën 21:00.
