Ne Tiranë janë regjistruar një seri incidentesh ne orët e pasdites së sotme, ne prag të ndeshjes finale të Liges së Konferencës.
Policia është treguar e paaftë për të menaxhuar situatat, ndoshta për shkak te mungesës së eksperiencës për menaxhimin e tifozerive të dhunshme.
Kryesisht aktet e dhunës janë regjistruar nga tifozet nga Roterdami, ndërsa nuk ka pasur përplasje mes dy tifozerive, por mes holandezëve dhe forcave të rendit, apo qytetarëve të ndryshëm.
Incidentet kanë nisur në qendër të Tiranës ku disa tifozë holandezë dhe italianë kanë rrahur një qytetar shqiptar duke e çuar në spital për shkak të plagëve të shumta që kishte marrë.
Ndërkohë që mbrëmja ka qenë mjaft e rënduar në të gjithë kryeqytetin duke nisur nga rruga “Mustafa Matohiti” dhe në çdo cep tjetër të Tiranës ka patur përplasje të forta mes policisë dhe huli8ganëve holandezë, ku ka patur edhe efektivë të lënduar, si dhe tifozë të arrestuar.
Dhunë, alkool, makina të dëmtuar dhe terror tek qytetarët shqiptarë, kjo ka qenë ajo çka kanë sjellë me vete Holandezët në Shqipëri.
