Reperi i njohur shqiptar, Azet u përfshi në një situatë të pakëndshme pasi truproja e tij u sulmua pas një koncerti në Vjenë. Sipas të pranishmëve në vendngjarje, ka pasur dhe të shtëna me armë zjarri.
U aludua se shkak i këtij incidenti ka qenë pagesa. Por i kontaktuar nga mediat në Kosovë, pronari i klubit ku reperi ka mbajtur koncertin ka thënë se sherri nuk lidhej me pagesën apo me eskortën e tij, por me një sherr në të cilin janë përfshirë disa shqiptarë jashtë ambienteve të klubit.
“Pagesa ishte në rregull, disa shqiptarë i kanë rrahur çeçen, në ato momente ishte duke dalë Azet me makinë. Duke u zënë i kanë gjuajtur Azetit në makinë edhe kanë gjuajtur me armë sigurimi”, ka thënë ai.
