Policia e Vlorës ka arrestuar sot 19-vjeçarin, që përplasi mbrëmë për vdekje një këmbësor.
Në pranga ka rënë shtetasi me inicialet E.S, banues në Berat.
Njoftimi:
Specialistët e Qarkullimit Rrugor të Komisariatit të Policisë Vlorë arrestuan në flagrancë shtetasin E. S., 19 vjeç, banues në Berat, për veprën penale “Shkelja e rregullave të qarkullimit rrugor”, pasi duke drejtuar automjetin, ka aksidentuar këmbësorin, shtetasin B. B., 51 vjeç, i cili për pasojë ka humbur jetën.
