Kryeministri Edi Rama ka replikuar në Kuvend me ish-kryeministrin Sali Berisha dhe deputetët e opozitës, ndërsa diskutohej “çështja” e Parkut të Butrintit.
Ai tha se kërkesa për ndryshimin e kufijve të Parkut ka ardhur nga vetë UNESCO, për të hequr ato që i konsideroi si pjesët e kalbëzuara të parkut për shkak të ndërtimeve pa leje të bëra në kohën e PD-së.
Rama theksoi se shpallja e Parkut Kombëtar të Butrintit si zonë e mbrojtur është një nismë e tij gjatë kohës kur ishte Ministër Kulturë.
“Parku i Butrintit është shpallur i tillë me nismën time si Ministër i Kulturës, dhe Butrinti është vënë në mbrojtje nga unë në atë kohë. Ndryshimi i kufijve të parkut ka ardhur si rezultat i hpajes së rrugës për një valë ndërtimesh pa leje në zonën e Ksamilit.
Dhe rishikimi i kufijve të Parkut të Butrintit është bërë kërkesë të UNESCO-s, në mënyrë që të hiqeshin nga zona e Parkut të gjitha ato pjesë të kalbëzuar për shkak të ndërtimërisë masive pa leje, arkitetkët e së cilës dihet kush janë në Shqipëri.
Ne kemi akoma në parlament një personazh që e quante Bathorren mrekullinë e tetë të botës, dhe e ka thënë në sy të të gjithëve që është një qytet i gjithi i ndërtuar pa leje. Pavarësisht se aty njerëzit vuanin ë gjitha pasojat e ndërtimeve kurturru.
Kur dilni ju dhe flisni për mbrojtjen e monumenteve të kulturës, është vërtetë që të kesh dy, një ta bash e një ta çash, dhe kur dilni ju dhe flisni për se si Fondi Shqiptaro-Amerika do të grabisë Butrintin e vetmja arsye për të dalë këtu është për t’i kërkuar ndjesë fondit, të gjithëve atyre që e kanë themeluar dhe janë angazhuar prej kaq shumë vitesh për të kontribuar pa asnjë të ardhur për qëllim fitimi, sepse i tillë është ky fondacion, dhe i tillë është legjislacioni amerikan, dhe e tillë është nisma që e ka origjinën e vet që në kohën kur bëhej fjalë për liri-demokraci.
Që të fusësh dhe fondin Shqiptaro-Amerikan, me një njeri në krye që ja keni dhënë ju shtetësinë shqiptare duke e akuzuar si shqiptar këtë mund ta bëni vetëm ju”, tha Rama.
Kryeministri ka ironizuar qëndrimet e opozitës qoftë në rastin e stadiumit kombëtar, Teatrit dhe tani të Butrintit.
“Ju mbani mbani me shëndet Aleancat”, tha Rama, referuar grupimeve qytetare që u përpoqën të mbrojnë Teatrin Kombëtar nga shembja dhe tani që po përpiqen të mbrojnë Butrintin.
“Isha lajmëruar për një seancë tjetër, dhe as nuk e imagjinoja që seanca për Butrintin do të zgjatej kaq shumë dhe që do të ishte kishte shumë admirues, mbrojtës, të flakët ndër ata që janë përgjegjësit e drejtpërdrejtë për dëmet që janë shkaktuar.
Jo vetëm Butrintit, por dhe trashëgimisë kulturore dhe natyrore. Duke qenë se u përmenda pa reshtur nga parafolësi, dëshiroj të them pak fjalë. së pari; parku i Butrintit është shpallur i tillë me nismën time si ministër i Kulturës.
Butrinti është vënë në mbrojtje nga unë në atë kohë. Ndryshimi i kufijve të parkut ka ardhur si rezultat i hapjes së rrugës nga një valë ndërtimesh pa leje në zonën e Ksamilit. Rishikimi i kufijve të parkut është bërë me kërkesë të Unesco, në mënyrë që të hiqeshin nga zona e parkut të gjitha ato pjesë të kalbëzuar për shkak të ndërtimtarisë pa leje. Arkitektët dhe urbanistët dihen se kush janë.
Ne kemi ende personazhe në Kuvend që Bathore është mrekullia e 8 e botës, i vetmi vend në botë që u ndërtua pa leje. Kjo ishte një vlerë e shtuar e mrekullive të botës, pavarësisht se njerëzit aty vuanin pasojat e një lumi të tillë ndërtimesh kuturu. Ju dilni dhe flisni për mbrojtjen e komunitetit të kulturës, është vërtetë të kesh dy; një mbash dhe një ta çash. As dy nuk ndalin.”, tha ai.
