Nga Kombinati tek Komisariati numër tre, dy të vdekur në kryeqytet dhe të dy kanë lidhje me efektivë policie.
Mësohet se një 60-vjeçar i cili pak më herët u qëllua në Kombinat dhe u dërgua në spital. Mustafa Lika, ndodhet jashtë rrezikut për jetën.
Njoftimi
Në lidhje me informacionin paraprak të dhënë pak më parë, i cili bën fjalë se në Kombinat është plagosur me armë zjarri në këmbë shtetasi M. L., 60 vjeç, ju sqarojmë se:
Nga shërbimet e Komisariatit të Policisë Nr. 6 është identifikuar dhe shoqëruar në ambientet e komisariatit, autori i kësaj ngjarje, shtetasi L. Gj., efektiv i FNSH-së, i cili gjatë kryerjes së krimit ka qenë në gjendje të dehur.
Grupi hetimor i krijuar nga Agjensia e Mbiikëqyrjes Policore (AMP) nën drejtimin e Prokurorisë së Tiranës, ndodhet në vendngjarje dhe po punon për sqarimin e rrethanave të ngjarjes.
