Ish-kryeministri Sali Berisha foli edhe për akuzat ndaj baxhanakut të kreut të qeverisë Edi Rama për shkelje të barazisë në tendera, në një dalje nga selia blu për mediat.
Berisha, duke iu referuar mesazheve ardhur në adresë të tij, tha se personi në fjalë është përfitues tenderash në disa institucione të ndryshme dhe është i lidhur edhe me Ilir Beqajn.
“Baxhanaku, Frangu kontratë 12 mln lekë. Një nga këto. Kjo është edhe më interesante. Baxhanaku Armand Frangu kompania B3, 60. Sipas informacioneve ky është i lidhur me Beqen. Kjo ishte super vjedhje. Publikohen dokumente. Baxhanaku i Ramës Armand Frangu fiton 21.7 mln euro tendera. Ka fituar tendera nga të cilat 5 pa garë fare. Është baxhanak. Ku pyet për garë ai. Tani është një tjetër shumë interesante. Një status i imi. Florin Ahmetaj u prangos nga SPAK sepse i kishte dhënë kunatit të vet 13 tendera. Në rast se gjykata i fakton këto janë shkelje të ndëshkueshme. Sapo lexon për kunatin e Florinit të del para kunati i Edvinit. Ka përfituar 50 tendera. Ka prapë këtu. Nuk është vetëm baxhanaku. Është edhe kompania e thjeshtrës. Para dy muajsh kam denoncuar në parlament. Thjeshtra punon si arkitekte. Dhe kishte fituar tenderin 160 mln lekë nga Ministrja e Kulturës. Këta i kontrollojnë interesat e pasurimit”, tha Berisha.
