Një person ka mbetur i plagosur në Gjermani si pasojë e një sulmi me armë zjarri të ndodhur në një shkollë në perëndim të Hamburgut.
Ngjarja ndodhi në Bremerhaven, një zonë rreth 90 kilometra në perëndim të Hamburgut në veriperëndim të vendit.
Policia bën me dije se ka arrestuar një person në lidhje me agresionin, ndërkohë që ende nuk dihet shkalla e lëndimit të të plagosurit.
I dyshuari i dytë i armatosur me një hark është ende në arrati, raportoi gazeta Bild.
“Nxënësit janë në klasat e tyre me mësuesit e tyre. Policia ka nën kontroll situatën në vendngjarje. Masat e policisë po vazhdojnë”, thuhet në njoftimin e policisë.
