Sekti i vetëposhtërimit, e ka cilësuar ish-Kryeministri Sali Berisha lojën e deputetëve të PD-së, Enkelejd Alibeaj dhe Gazment Bardhi, jo vetëm me zhvillimet në këtë parti, por edhe sa i takon negociatave për Presidentin e ri.
Berisha ka publikuar në rrjetet sociale një karikaturë, ku shfaqet Taulant Balla, që mban në sqetull Enkelejd Alibeajn, ndërsa Gazment Bardhi është brenda një çante që mbahet në dorë po nga kreu i deputetëve të PS-së.
Tallja që Berisha bën me dy deputetët vjen në një kohë kur ata akuzohen se po bëjnë lojën e Edi Ramës, jo vetëm në atë që konsiderohet si procesi falls i negociatave për Presidentin kukull, por edhe lidhur me proceset gjyqësore për zhvillimet në Partinë Demokratike. Me firmën e Enkelejd Alibeajt u bë ankimimi në Gjykatë lidhur me vendimin e 25 marsit që njohu zyrtarisht Kuvendin e 11 dhjetorit dhe Komisionin e Rithemelimit si strukturën drejtuese të PD.
