Një sherr masiv ka tronditur mbrëmë Greqinë, ku të përfshirë kanë qenë edhe shqiptarë. Ngjarja ka ndodhur në kryqëzimin e Kehrinias në Amfiloxia, ndërsa autoritetet kanë mundur të rindërtojnë dinamikën e ngjarjes.
Sipas tyre, tre automjete i kanë prerë rrugën një mjeti tjetër, e prej makinave kanë dalë 8 persona, të cilët pasi janë grindur fillimisht me fjalë kanë nxjerrë armët. Duke përdorur thikat kanë sulmuar me thikë pasagjerët e mjetit tjetër, më konkretisht dy shqiptarët, raportojnë mediat vendase.
Njëri prej tyre, një 41-vjeçar ka marrë plagë në shpinë dhe shpretkë, ndërsa aktualisht ndodhet në spital jashtë rrezikut për jetën, ndërkohë që tjetrit ka marrë lëndime të lehta. Policia ndërkohë është duke marrë në pyetje dy shqiptarët për të mësuar më shumë rreth ngjarjes.
