Luca Tommassini, drejtori artistik i Eurovision, gjatë një interviste në “Oggi è un altro giorno” në Rai 1, deklaroi se Ronela Hajati e ka telefonuar në lidhje me performanëcn e saj. Ai zbuloi se “ka refuzuar Shqipërinë” pasi këngëtarja i ka thënë se në skenë do të bëjë çfarë të dojë.
“Ronela Hajati është shumë e njohur në Shqipëri. Nuk dëshiron asnjëher t’i thonë se çfarë të bëjë. Në bisedën që kemi pasur më parë kur më ka telefonuar, kam pasur frikë. Sepse më tha “ne le të bëjmë mbledhje, prova dhe të gjitha por në skenë do të bëj çfarë të dua.” Dhe kështu i thashë jo. Dhe ja unë jam këtu, ajo po kthehet për Shqipëri. Nuk jam penduar që refuzova.”–tha ai.
Luca Tommassini, është një balerin dhe koreograf i njohur ndërkombëtarisht. Ai drejtoi performancën e Anna Gjebreas, e cila përfaqësoi Shqipërinë me këngën “ Stand by you”.
Kujtojmë se performanca e Ronelës në “Eurosong” nuk është pëlqyer nga mediat ndërkombëtare, që jo vetëm e renditën atë në 3 këngët më të këqija, por nuk i kursyen as ironitë me performancën si dhe këngën e saj.
