Ish-Kryeministri Sali Berisha, gjatë diskutimit me demokratët në Durrës, tha se me primaret dhe me zgjedhjen e drejtuesve të degëve ne po transformojmë Partinë Demokratike.
Një prej të pranishmëve i kërkoi Berishës që të mos ndalej transparenca dhe votimi i secilit prej drejtuesve, pasi në të kundërt ata që do të përfitonin do të ishin sahanlëpirësit.
“Edhe ne kemi bërë gabimet tona, i zhgënjyem shqiptarët, por s´duhet ti zhgënjejmë më”, i tha qytetari, Berishës.
Ish-Kryeministri tha se vota e lirë është mekanizmi më kryesor për të ruajtur partinë.
Berisha tha se Lulzim Basha i emëronte kryetarët, por jo vetëm, duke e kthyer PD si një organizatë marksiste.
“Basha e bëri PD sikundër Edi Rama ktheu Partinë Socialiste, ku nuk ka vota, nuk ka votime. Shikoni se çfarë i bënë Kërtushës në Durrës, i dhanë plumba jo vota”, tha Berisha.
