Pamjet që po shikoni janë publikuar nga Policia Rrugore dhe tregojnë aksidentin e rëndë të ndodhur në Tiranë. Sadik Përpunja, 70 vjeç është kapur nga kamerat teksa udhëton me makinën e tij në rrugën “Ismail Qemali” e aksidenton një 20-vjeçare.
E reja me inicialet E.M., po kalonte rrugën tek vizat e bardha, por 70-vjeçari e tërheq zvarrë me makinë. Përpunja është vënë në pranga dhe akuzohet për për veprat penale “Shkelja e rregullave të qarkullimit rrugor” dhe “Largimi nga vendi i aksidentit. 20-vjeçarja ndodhet në spital.
Njoftimi nga policia: Shërbimet e Policisë Rrugore, pas marrjes së njoftimit se një automjet me drejtues të paidentifikuar kishte aksidentuar shtetasen E. M., 20 vjeçe, në vijat e bardha, në rrugën “Ismail Qemali”, dhe më pas ishte larguar, kanë organizuar menjëherë punën për identifikimin dhe kapjen e drejtuesit të mjetit. Si rezultat i veprimeve të shpejta profesionale, është bërë identifikimi i drejtuesit të mjetit, shtetasi S. P., banues në Tiranë, dhe arrestimi i tij, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.
