Suedia do të dërgojë diplomatë në Turqi, për të kapërcyer kundërshtimet e vendit ndaj planit të saj për t’u bashkuar me NATO-n.
Kjo lëvizje vjen pasi Suedia pritet të marrë një vendim zyrtar mbi aplikimin e saj për t’u bashkuar me aleancën ushtarake sot. Finlanda gjithashtu ka konfirmuar se do të aplikojë për t’u bashkuar me NATO-n.
Megjithatë, Turqia, e cila është aleate e të dy vendeve, tha se nuk do t’i shikonte pozitivisht aplikimet nga Suedia dhe Finlanda. Presidenti turk Rexhep Tajip Erdogan, tha se “vendet skandinave janë bujtina për organizatat terroriste”.
Turqia theksoi se donte që vendet nordike të ndalonin mbështetjen për grupet militante kurde të pranishme në territorin e tyre dhe të heqin ndalimet për shitjen e disa armëve në Turqi.
Çdo vendim për zgjerimin e NATO-s kërkon miratimin nga të 30 anëtarët e aleancës dhe parlamentet e tyre, por diplomatët thanë se Erdogan do të jetw nën presion për të rënë dakord, pasi Finlanda dhe Suedia do ta forconin shumë NATO-n në Detin Baltik.
