Një tjetër autobus urban është aksidentuar në kryeqytet këtë të Hënë.
Policia bën me dije se në Misto Mame, shoferi me iniciale S.Sh., duke drejtuar autobusin e linjës së Kombinatit, dyshohet se ka humbur kontrollin mbi drejtimin se tij dhe është përplasur me një kosh mbeturinash.
Si pasojë ka vetëm dëme materiale.
Grupi hetimor ndodhet në vendngjarje dhe po punon për sqarimin e rrethanave të aksidentit, shtuan të njëjtat burime.
Më 29 Prill pasdite, një autobus i linjës së Unazës u përplas me një automjet tip “Benz” para se të përfundonte në Lanë. Nga aksidenti pati disa të plagosur. Pas kësaj ngjarje, më vonë janë raportuar edhe katër aksidente të tjera të autobusëve urbanë, por ndryshe nga ai i 29 Prillit, pa persona të lënduar.
