Një 17-vjeçar ka humbur jetën në rrethana ende të paqarta. Ngjarja ka ndodhur në fshatin Divlakë të Lipjanit, derisa ishte duke qëndruar për vizitë te të afërmit e tij.
Viktima është dërguar pa shenja jete në Qendrën e Mjekësisë Familjare në Komoran, ku edhe mjeku ka konfirmuar vdekjen e tij.
Sipas mjekut, Dr. Feriz Bytyqi, viktimës nuk i është vërejtur ndonjë shenjë dhune.
“Sipas familjarëve i ndjeri ka qenë te dajtë, duke i ndihmuar me disa punë dhe në momentin që është ulur të pushojë, i është keqësuar gjendja dhe është alivanosur. Rreth orës 14:40 viktima është sjellë pa shenja jete në qendrën tonë. Shkaku nuk dihet por dyshohet të ketë qenë ndonjë arrest kardiak apo edhe goditje në tru por konstatim merret Instituti i Mjekësisë Ligjore”, ka thënë Bytyqi për Klankosova.tv.
