Ish-kryeministri Sali Berisha dënoi sërish këtë të Premte qëndrimin e deputetëve të mazhorancës të cilët me votat e tyre rrëzuan dje rezolutën e dorëzuar në Kuvend nga deputeti demokrat Tritan Shehu. Rezoluta dënonte gjenocidin serb në Srebenicë të Bosnje Hercegovinës.
Në një konferencë për mediat këtë të Premte, Berisha tha se vota e djeshme ishte vota më e egër që mund të bëhet ndaj një rezolute.
“Për çdo vend të lirë për çdo shoqëri të lirë e njeri të civilizuar dënimi i gjenocidit është një detyrim mora, ligjor dhe ndërkombëtar. Siç jeni dëshmitarë, në parlamentin e Shqipërisë dje ndodhi akti më i rëndë, i turpshëm i pabesueshëm në historinë 30-vjeçare të këtij vendi, reformimi për të dënuar me një rezolutë një hjenocid të konfirmuar nga dy gjykata ndërkombëtare, e krimeve të luftës për ish Jugosslavinë dhe gjykata ndërkombëtare e Hagës. Mbi bazën e vendimit të këtyre gjykatave, vendet e lira në tërësi kanë kaluar në parlament rezoluta që dënonte gjenocidin serb në Srebenicë si akti më kriminal pas luftës së dytë botërore”, u shpreh Berisha.
Ai shytoi se “jo si gjenocid, por si masakër, e ka dënuar dhe parlamenti i Serbisë”. Shqipëria është vendi i vetëm që s’ka dënuar asgjë nga gjenocidet që ka ndodhur, shtoi ai.
“Pretendimet e Ramës dhe Ballës janë pretendime të neveritshme të personave të kriminalizuar qoftë në çdo skaj të psikologjisë së tyre. rezoluta ka ndjekur rrjedhjen e procedurave normale për rezolutave”, tha Berisha.
Sipas tij, ata që votuan kundër rezolutës kanë kryer vepër penale.
Berisha shtoi se qëndrimi i Ramës dhe Ballës është “qëndrim zuzar”. Kryeministrin Rama e quajti argat të Presidentit të Serbisë Aleksandër Vuçiç.
Edi Rama thanë se rezoluta ishte “lojë e ulët e një të shpalluri nga SHBA si i korruptuar dhe minues i demokracisë”. Të njëjtin qëndrim mbajti edhe Taulnt Balla në parlament, ku shtoi se një rezolutë e ngjashme është votuar më herët nga parlamenti.
