Një person është arrestuar nga policia e Gjirokastrës pasi është kapur me 4 refugjatë në makinë.
Në pranga u vu Lefter Dauti, 36 vjeç, banues në Peshkopi, për veprën penale “Dhënia ndihmë për kalim të paligjshëm të kufijve”.
“Gjatë operacionit, shërbimet e Policisë Rrugore kapën në flagrancë, në aksin rrugor Tepelenë-Memaliaj, në vendin e quajtur ‘Majkosh’, Dautin, duke transportuar me automjetin tip ‘Ford’, 4 emigrantë të paligjshëm nga vendet MENA, kundrejt fitimit”, njoftoi policia.
Në cilësinë e provës materiale u sekuestruan automjeti, një aparat celular dhe një shumë parash që dyshohet se është përfituar nga kjo veprimtari kriminale, shtuan të njëjtat burime.
