Ajas Sulejmani, i cili ditën e Diel aksidentoi çiftin e bashkëshortëve bashkë me foshnjen e tyre në “Rrugën e Kavajës” në kryeqytet, ka dalë sot para gjykatës, ku ësgtë njohur me masën e sigurisë “arrest me burg”.
Ndaj tij janë ngritur akuzat për shkelje të rregullave të qarkullimit me pasojë plagosjen e më shumë se dy personave, drejtim të automjetit në mënyrë të parregullt nën ndikimin e drogës dhe largim nga vendi i aksidentit.
Ndërkohë, Sulejmani ka mohuar akuzat. Ai ka deklaruar se nuk ka qenë i droguar në timon. Po ashtu, ka mohuar të ketë qenë me shpejtësi, duke thënë se po lëvizte me 40 km/ h. Madje, ai akuzoi policinë se testi i drogës nuk ishte real ndaj ka kërkuar që ti bëhen analizat e gjakut.
Aksidenti i rëndë ndodhi të Dielën në Rrugën e Kavajës, ku mjeti “GL” që drejtonte Sulejmani, përplasi çiftin Arjan Konomi dhe Vilma Konomi, ndërkohë që në karrocë ishte dhe foshja e tyre 3-muajshe. Pasi u largua nga vendi i ngjarjes, Sulejmani u vu në pranga në një spital privat të kryeqytetit.
