Ditën e sotme do të jetë seanca plenare në Kuvend që do të fillojë në orën 10:00. Në rendin e ditës përfshihen miratime të procesverbaleve të seancave plenare. Sot do të diskutohet raporti vjetor i veprimtarisë së Agjencisë të Sigurimit të Depozitave për vitin 2021 dhe raporti vjetor i veprimtarisë së institucionit të Autoritetit të Konkurrencës për vitin 2021. Në këtë seancë do të diskutohen edhe dy projektvendime që lidhet me riorganizimin e pagave në KPK dhe KPA.
RENDI I DITËS:
1.Miratimi i procesverbaleve të seancës plenare të datës 3.5.2022 dhe 9.5.2022. (Neni 44, pika 2 e Rregullores)
2. Njoftime. (Neni 44, pika 3 e Rregullores)
3. Raporti vjetor i veprimtarisë së Agjencisë të Sigurimit të Depozitave për vitin 2021. (Neni 7, pika 2 të ligjit nr. 53/14, datë 22.05.2014 “Për Sigurimin e Depozitave”, i ndryshuar, nenit 103, të Rregullores së Kuvendit të Shqipërisë dhe vendimit të Kuvendit të Shqipërisë nr.134/2018 “Për miratimin e manualit të monitorimit vjetor dhe periodik”, shumicë e thjeshtë votash për
miratimin e projektrezolutës). Paraqitja e raportit nga Kryetari i Komisionit të Konkurrencës- jo më shumë se 20 minuta. Shprehet për projektrezolutën komisioni përgjegjës: Komisioni për Ekonominë dhe Financen
4. Raporti vjetor i veprimtarisë së institucionit të Autoritetit të Konkurrencës për vitin 2021. (Nenit 24, germa e, të ligjit nr.9121, datë 28.07.2003 “Për Mbrojtjen e Konkurrencës”, të ndryshuar, nenit 103, të Rregullores së Kuvendit të Shqipërisë dhe vendimit të Kuvendit të Shqipërisë nr.134/2018 “Për miratimin e manualit të monitorimit vjetor dhe periodik” shumicë e thjeshtë votash për miratimin e projektrezolutës Paraqitja e raportit nga Drejtori i Përgjithshëm – jo më shumë se 20 minuta. Shprehet për projektrezolutën komisioni përgjegjës: Komisioni për Ekonominë dhe Financën Pyetje Zhvillimi i debatit (Nëse kërkohet me shkrim nga një komision i përhershëm, një kryetar grupi parlamentar ose të paktën 10 deputetë)
5. Projektligj “Për ratifikimin e marrëveshjes së huas, ndërmjet Këshillit të Ministrave të Republikës së Shqipërisë dhe Agjencisë Franceze për Zhvillim, për një hua të bazuar në politika për mbështetjen e barazisë gjinore, në aksesin ndaj mundësive ekonomike në Shqipëri”. (Neni 121 i Kushtetutës dhe nenet 55 dhe 73-77 të Rregullores, shumicë absolute votash për miratim) Pyetje
6. Projekligj “Për ratifikimin e protokollit ndryshues të Konventës për Mbrojtjen e Individëve në lidhje me Përpunimin Automatik të të Dhënave Personale”. (Neni 121 i Kushtetutës dhe nenet 55 dhe 73-77 të Rregullores, shumicë e absolute votash përmiratim)
Pyetje Shprehet nismëtari Shprehet komisioni përgjegjës për Sigurinë Kombëtare Dhënie mendimi komisioni për Çështjet Ligjore, Administratën Publike dhe të Drejtat e Njeriut Dhënie mendimi komisioni për Politikën e Jashtme
7. Projektvendim ““Për disa shtesa dhe ndryshimeve në vendimin nr. 92/2017 “Për miratimin e strukturës organizative, organikës dhe klasifikimit të pagave të personelit të Kolegjit të Posaçëm të Apelimit”, i ndryshuar. (Neni 78 i Kushtetutës, nenet 50 të Rregullores së Kuvendit si dhe me nenin 18, të ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë” i ndryshuar, votim i fshehtë, shumicë e thjeshtë votash për miratim)
8. Projektvendim ““Për disa shtesa dhe ndryshime në vendimin e Kuvendit nr. 93/2017 “Për miratimin e strukturës organizative, organikës dhe klasifikimit të pagave të personelit të Komisionit të Pavarur të Kualifikimit”, i ndryshuar”. (Neni 78 i Kushtetutës, nenet 50 dhe nenin 18, të ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë, votim i fshehtë, shumicë e thjeshtë votash për miratim)
9. Projektvendim ““Për disa shtesa dhe ndryshime në Vendimin e Kuvendit nr. 94/2017 “Për miratimin e strukturës organizative, organikës dhe klasifikimit të pagave të personelit të Komisionerëve publikë”, i ndryshuar”. (Neni 78 i Kushtetutës, nenet 50 dhe nenin 18, të ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë, i ndryshuar, votim i fshehtë, shumicë e thjeshtë votash për miratim)
10.Diskutime për çështje jashtë rendit të ditës.
