Palaço cirku e cilësoi deputetja socialiste, Ermonela Felaj, gazetarin e A2cnn, i cili në konferencën e djeshme për mediat e pyeti Edi Ramën se sa e moralshme është që flet për drejtësinë dhe në krah kishte Ulsi Manjën, i cili del në përgjimet e dosjes 184.
Felaj ka shpërthyer në një seri fyerjesh ndaj gazetarit për të cilin tha se këto janë ata që kanë mbaruar universitetet e qeverisë së Sali Berishës.
“Turp t´ju vijë kur e keni për nder që keni një koleg të tillë, i cili ishte pa etikë, një palaço cirku”, iu drejtua Felaj, analistëve Arian Çani, Andi Bushati dhe Armand Shkullaku, në studion e emisionit “Të Paekpozuarit”.
Bushati duke iu drejtuar Felajt i tha “po Edi Rama kur del me çitjane dhe flet budallallëqe si ju duket?”.
Ndërsa Shkullaku i kërkoi Felajt të shpjegonte se “ku e shihte shkeljen e etikës?”.
Ndërsa Çani tha “më mirë një gazetar palaço cirku, se sa qeveritarë dhe deputetë palaço që shpërdorojnë taksat publike”.
