Një gjykatë në Britani ka lënë në burg një 24-vjeçar shqiptar i cili është përballur me akuzën e trafikimit të kokainës dhe kanabisit.
24 vjeçari Klevist Shehaj, akuzohet si poseduesi i një sasie droge që kap vlerën e rreth 1.5 milion eurove.
Sipas raportimeve të mediave vendase, Shehaj u ndalua më 7 maj ndërsa policia ra në gjurmët e tij pas një hetimi të gjatë. Shqiptari po ashtu u kap me 39 mijë e 750 euro të fshehura në makinën e tij. Gjatë një kontrolli iu gjet një sasi kanabisi me një vlerë rreth 1.1 milion euro dhe kokainë me vlerë 420,000 euro.
Oficerët zbuluan gjithashtu “sasi të mëdha agjentësh përzierës”.
