Kryeministri Edi Rama u shfaq në një konferencë për mediat për më shumë se 90 minuta duke folur për drejtësinë e re. Rama ripëërsëriti disa herë kërkesën ndaj SPAK për të hetuar “non gratat” dhe gjyqtarët e prokurorët e larguar nga sistemi i drejtësisë së re për shkak të Vetting.
Rama tha se ky nuk ishte presion, por një kërkesë, që SPAK dhe drejtësia e re të bënin detyrën e tyre.
Por pyetja që shfazoi Kryeministrin ishte ajo lidhur me moralin, që në njërën anë i drejtohej SPAK për të hetuar të korruptuarit, dhe në anën tjetër shfaqej në krah të Ulsi Manjës, një prej personazheve të dosjes 184, ku ai sipas përgjimeve, premtonte një ish-drejtuesi policie, promovimin dhe kalimin në poste të larta.
Rama u ndjeh keq, dhe u kap me gazetarin e A2Cnn, të cilit i tha se “pse qeshte kur bënte pyetjen”. Gazetari iu përgjigj se ai nuk mund ti tregonte etikën, çka shtoi edhe më shumë nervozizmin te Kreu i Qeverisë, që çuditërisht në raste të tilla i kujtohen thëniet e gjyshes së ndjerë…
Replika
Gazetari: Morali është një aspekt i rëndësishëm, ndaj dua t’ju pyes sa e moralshme është për ju që t’i bëni këto kërkesa SPAK, ku në krahun tuaj ndodhet Ulsi Manja që në përgjimet e Bild të dosjes 184, e dëgjohet të thotë se premton favore ndaj Robert Agës, ish drejtorit të Komisariatit të Dibrës, ‘na duhesh për më nalt o burrë’, ‘na themi për më nalt o burrë’, sot Manja është këtu pranë jush është Ministër i Drejtësisë nuk është nën hetim dhe në asnjë nstitucion të vuajtjes së dënimit.
Rama: Po pse qesh kur e thua këtë, bëre një lloj diskursi këtu që është jashte etikës profesionale. Pse qesh kur reciton?
Gazetari: Të lutem, etikën profesionale nuk mund të ma tregoni ju, nëse në pikturë mësohet më shumë se në gazetari, atëherë vazhdoni.
Rama: Gjyshja ime thoshte: “Sulle labbra degli stolti abbonda il riso”. (Në buzet e budallenjeve shndërrin buzëqeshja).
