Luis Fonsi dhe Shoqata e Alzheimerit po bashkojnë forcat për të rritur ndërgjegjësimin për Alzheimerin dhe ndikimin e tij domethënës në komunitetin latin.
Për artistin global sëmundja është shumë afër shtëpisë, prandaj përdorimi i platformës së tij për të ndihmuar “Music Moments” të zgjerojë shtrirjen e saj në një audiencë dygjuhëshe ishte një gjë me mend.
Ylli portorikan është tani artisti i parë latin i paraqitur në serinë e tregimeve dixhitale, duke regjistruar një interpretim të fuqishëm të këngës së tij “Girasoles” në spanjisht dhe anglisht.
“Jam i emocionuar që jam artisti i parë latin që i bashkohet fushatës së Momenteve Muzikore të Shoqatës së Alzheimerit. “Girasoles” është një këngë e veçantë për mua, sepse flet për dashurinë, për të qenë bashkë dhe për të qenë aty për dikë, pa marrë parasysh çfarë. Shpresoj që kënga të ketë jehonë jo vetëm për ata që janë diagnostikuar me Alzheimer, por edhe për të dashurit dhe kujdestarët e tyre, të cilët gjithashtu kanë nevojë për dashuri”- tha kantautori.
Rreth 6.5 milionë amerikanë mbi moshën 65 vjeç jetojnë me demencën e Alzheimerit, një prej tyre është gjyshja e Luis Fonsi.
“Ne duhet të flasim për sëmundjen, duhet të marrim kohë dhe të lexojmë dhe të mësojmë për të. Nuk e dija që ne latinët ishim më të prekur”, tha Fonsi për People, duke iu referuar të dhënave në raportin e “Alzheimer’s Disease Facts and Figurest”.
