Deputeti demokrat Belind Këlliçi iu përgjigj në edicionin e pasdites në Syri Tv akuzave të kandidatit për kryetar të PD, Ibsen Elezi.
Ky i fundit një ditë më parë kërkoi edhe largimin e Albana Vokshit, Enno Bozdos si të implikuar në procesin e manipulimit të votave më 13 qershor.
“Nëse provohet me një fakt që unë kam vjedhur vota, apo kam manipuluar një proces, marr masa dhe largohem.
Ata i referohen një deklarate të zotit Paloka. Të pyesin atë. Mbaj përgjegjësi për veten time. Nuk kam prekur kurrë votën e asnjë demokrati.
Unë e kam vuajtur në kurriz padrejtësinë dhe që kam garuar me një anëtar një votë si kryetar i FRPD.
Rezultatet flasin vetë. Gjykoj se është një deklaratë e nxituar dhe emocionale. Jam i hapur për çdo diskutim dhe debat, nuk i fshihem të vërtetës.”-tha Këlliçi.
