Arkeologu Neritan Ceka i ftuar në studion e “Opinion” foli për Butrintin, administrimin e tij.
Sipas Cekës, Butrinti është një pronë që sjell shumë të ardhura dhe duhet të administrohet me një bord publik.
ADF, Fondi Amerikano -Shqiptar, thotë Ceka duhet të jetë publik dhe administrimi nuk duhet të bëhet nga një bord.
Për Cekën ministrja e Kulturës ka gabuar, pasi personat që janë pas saj nuk i njeh askush.
Ceka tha se konteston mënyrën sesi po bëhen gjërat. Sipas tij gjithçka duhet të përcaktohet mirë dhe të mos thuhet se ky është një fondacion publik, por publiku nuk përfaqësohet.
A duhet ta marrë shteti apo është mirë kështu si është?
Ceka: Kanë investuar 1 milion e 200 mijë euro për biletarinë dhe nuk ka funksionuar. Le ta marrë dhe djalli.
Cilat janë rreziqet e reja të këtij projekti?
Nuk ka rrezik, vetëm duhet të administrohet mirë. Komuniteti aty duhet të përfaqesohet. Nuk kemi pse të marrim studiues nga jashtë për Butrintin, specialistët më të mirë janë këtu në vend.
Ne kemi bërë ekspedita me ekspert të shumtë. Në Butrint kemi dy ekspedita një amerikano -shqiptare dhe një amerikano -gjermane.
Ndërhyrja e kryeministrit është fatale, duke kërcënuar se ligjin do e miratojë si e ka fondacioni, tha Ceka.
