Komisioni i Rithemelimit, përmes një kërkese drejtuar ILD, kërkon nisjen e hetimit dhe paraqitjen e kërkesës në KLGJ për masë disiplinore, ndaj gjyqtares Blerina Muça.
Kjo e fundit, pak ditë më parë vendosi të pranojë si të ligjshme kërkesën e Enkelejd Alibeajt, lidhur me ankimimin ndaj vendimit të dhënë nga gjyqtari Agron Zhukri, i cili legjitimoi Kuvendin Kombëtar të 11 dhjetorit dhe njohur Komisionin e Rithemelimit si forumin drejtues të PD.
Por pavarësisht se vendimi i Zhukrit, i dhënë me 25 mars, nuk kishte palë të treta, pak javë më pas Blerina Muça, pranoi ankimimin e Alibeajt, duke i hapur rrugë shqyrtimit në Gjykatën e Apelit.
Në kërkesën drejtuar Metanit, Komisioni i Rithemelimit kërkon që gjyqtarja Muça të shkarkohet, me argumentin e shpërdorimit të detyrës.
