Policia ka dhënë detaje në lidhje me faktin se një 41-vjeçar u gjet pa shenja jete në Plazhin e Divjakës.
Sipas policisë, personi që humbi jetën quhet Ilir Rrudho, 41 vjeç dhe dyshohet se vdekja ka qenë natyrale.
Njoftimi i policisë:
Divjakë
Sot rreth orës 11:50, në hyrje të plazhit të Divjakës, në një kanal në anë të rrugës, është gjetur pa shenja jete shtetasi Ilir Rrudho 41 vjeç, banues në Divjakë.
Nga këqyrja paraprake nuk konstatohen shënja dhune apo dëmtime të tjera të jashtme.
Pritet akti i ekspertimit për të përcaktuar shkakun e vdekjes (dyshohet natyrale).
Grupi hetimor po punon për zbardhjen e plotë të rrethanave të ngjarjes.
